كل يوم كده يا نادر .. مش معقول بجد
عارف يا نادر امبارح بعد ما مشيت .. ملحقتش انام .. و نزلت المدرسة على طول
طبعا سيادتك مجتش كالعادة
امممم و تيجي ليه ما انت مهيص مع اصحابك الجداد
انا عارف طبعا انهم احسن منا
بس تعرف كده شكلك بقة احسن كتير
بس مش عارف انت مش بترد عليا ليه .. ها
كل يومي تجيلي كده .. و تقعد معايا .. و نلعب سوا و تمشي
و انت ساكت برضة
طيب يا عم خلاص متزعلش
انت عارف انا بحبك اد ايه
بس في سؤال هيجنني
نادر ..هو انت مت ليه ؟
1 comment:
اصعب صدمة في حياة الانسان اعتقد انها الموت
انك تناجي شخص عارف ومتاكد إنه مش هيرد عليك بصوت مسموع
بس بجد برافو عليك
أحسنت التعبير
Post a Comment