تدوينة : برسم

ورقة و قلم كل اللي انا محتاجة عشان اسيب عقلي يدلق على ارض اللاوعي
عشان احس اني بفرغ ضغوط تقيلة بتزن في وداني
احط قلمي على الورقة
استدعي مركبي الصغير من ميناه القريبة
افتح اشرعته
يبحر بي في عالم الخيال
اوصل فورا الي جزيرة احلامي
اتفقد مدينتي الخالية
اجلس على عرشي
اقفل ابواب الكون
اشد فيشة الحياة
فيسكن البحر و تبطل الارض دوران
تتجمد الطيور في الهوا
يقف الزمان
يتشل الوجود

يصعق العدم

يقف الماضي و الحاضر و المستقبل جنب بعض
و لا صوت

ولا همس
ولا حركة
و لا اي حاجة
انا برسم

برسم


ملحوظة : الرسمة المرفقة اسمها اشجار